ಹಣ್ಣಿನ ಕತಿ

ಒಂದು ಹಣ್ಣಿಗಿ ತಾನು ಗಿಡದಾಗ ಇರುವಸ್ಟು ದಿನಾನೂ ಗಿಡದ ಬೆಲೆ ಅದಕ್ಕ ಗೋತ್ತಿರಾಂಗಿಲ್ಲ. ಹಣ್ಣಾದ ಮರುಕ್ಷಣ ನಾ ಉದುರಿ ನೆಲಕ್ಕ ಬೀಳಬೇಕು, ಉಳಕೊಂತ -ಉಳಕೊಂತ  ಜಗತ್ತೆಲ್ಲ ಸುತ್ತಬೇಕು ಅಂತ ವಿಚಾರ ಮಾಡ್ತಿರ್ತದ. ಹಂಗ , ತನ್ನಿಚ್ಛೆಯಂಗ ಹಣ್ಣಾದ ಮರುಕ್ಷಣ ಗಿಡದಿಂದ ಜಾರಿ ನೆಲಕ ಬೀಳ್ತದ.
ಬಿದ್ದ ಹಣ್ಣನ್ನ ಒಬ್ಬ ಬಂದು ಎತ್ತಿ, ಮೈಗಿ ಹತ್ತಿದ ಮಣ್ಣ ಒರಿಸಿ, ಒಂದು ಸ್ವಚ್ಛ ಬುಟ್ಯಾಗ ಇಟ್ಟ . ಹಣ್ಣಿಗಿ ಭಾಳ ಖುಷಿ ಆತು. ಆಮ್ಯಾಲ ಅಂವ ಹಣ್ಣಿನ ಬುಟ್ಟಿ ತಲಿ ಮ್ಯಾಲ ಹೊತ್ಕೊಂಡು ಸಿಟಿ ಮರ್ಕಟಿಗಿ ಬಂದ. ದಿನಾ ಅದೆ ಎಲಿ-ಹೂವ , ಗಾಳಿ -ಧೂಳ ನೋಡಿ ಬ್ಯಾಸ್ರಾಗೀತ್ತು ಹಣ್ಣಿಗಿ.  ಈ ದೊಡ್ಡ ಊರ, ಎತ್ತರ ಕಟ್ಟಡ ,  ನಮುನಿ - ನಮುನಿ ವಾಹನ, ಈ ಹೊಸಾ ಲೋಕ ನೋಡಿ ಭಾಳ ಅಂದ್ರ ಭಾಳ ಖುಷಿ ಆತು. ಗಿಡದಿಂದ ಜಾರಿ ಬಿದ್ದು ಛಲೊ ಮಾಡಿದ್ನೀ ಅಂತು .
ಆತ ಮಾರುಕಟ್ಟೆಯಲ್ಲಿ ಮಾರಾಕ ಇಟ್ಟ. ಒಬ್ಬ ಗಿರಾಕಿ ಬಂದ , ಹತ್ತು ರೂಪಾಯಿ ಕೊಡ್ತೀನಿ ಕೊಡು ಅಂದ. ಮತ್ತೊಬ್ಬ ಬಂದ , ನಾ ಇಪ್ಪತ್ತು ಕೊಡ್ತೀನಿ ಕೊಡು ಅಂದ . ಹಣ್ಣಿಗಿ ಅಶ್ಚರ್ಯ, ಇವ್ರೆಲ್ಲಾ ನನಗ ಎಸ್ಟ್ ಕಿಮ್ಮತ ಕೊಡ್ತಾರಲ್ಲಾ ಅಂತ,  ಹಂಗ ಆನಂದ. ಮೂರನೇ ಗಿರಾಕಿ ಮೂವತ್ತು ರೂಪಾಯಿ ಕೊಟ್ಟು ಮನಿಗಿ ತಂದ. ಸಾಗವಾನಿ ಕಟಗಿದು ಡೈನಿಂಗ್ ಟೇಬಲ್ ಮ್ಯಾಲ, ಒಂದು ಬೆಳ್ಳಿ ಪ್ಲೇಟ್ ಒಳಗ ಈ ಹಣ್ಣಿಗಿ ಇಟ್ಟ . ಆ ಕ್ಷಣಕ್ಕ ಹಣ್ಣಿಗಿ ಆದ ಸಂತೋಷ ಹೇಳಾಕ ಅದಕ್ಕ ಪದಾನ ಇರ್ಲಿಲ್ಲ ,  ಅಟ್ಟು ಖುಷಿ ಪಟ್ಟತು, ಗಿಡಕ್ಕ ಮರೀತು .
ಸ್ವಲ್ಪ ಹೊತ್ತಿನ ಮ್ಯಾಲ. ರೊಕ್ಕ ಕೊಟ್ಟ ಎನ್ ತಂದಿದ್ನಲ್ಲ ಅಂವ, ಹಣ್ಣಿಗಿ ಕೊಯ್ದು ತೀನ್ಬೇಕಂತ ಕೈಯಾಗ ಹಿಡದು ಚಾಕು ಚುಚ್ಚದ. ಅವಾಗ ಹಣ್ಣಿಗಿ ಎದಿ ವಡದಂಗೈತು. ಗಿಡ -ಟೊಂಗೆ, ಎಲಿ -ಹೂವ ಎಲ್ಲಾ ನೆನಪಾದ್ವು, ಆದ್ರ ದಾರಿ ಭಾಳ ದೂರ ಬಂದಿತ್ತು. ಚುಚ್ಚಬ್ಯಾಡೋ ಚುಚ್ಚಬ್ಯಾಡೋ ಅಂತ ಹಣ್ಣ ಚೀರಾಕತ್ತು. ನೀವೆಲ್ಲ ಕೊಡೊ ಪ್ರೀತಿ ಗೌರವದ ಹಿಂದ ಹಸಿವ ಅದ ಅಂತ ಗೊತ್ತಿದ್ದಿದ್ರ, ನಾ ಗಿಡ ಬಿಟ್ಟು ಕೆಳಗ ಇಳಿತಿರ್ಲೀಲ್ಲ ಅಂತು . ಹೊಟ್ಟಿ ಹಸಿದು ಕೈಯಾಗ ಹಣ್ಣ ಹಿಡಿದವನಿಗಿ ಅದರ ಅರಚಾಟ ಎಲ್ಲಿ ಕೇಳಬೇಕು.? ಹಣ್ಣಿನ ಕತಿ ಮುಗೀತು .
ನಿಮಗ ಇಷ್ಟ ಆದ್ರ ಇತರರಿಗೂ ಹಂಚ್ರಿ , ಅವರೂ ಹಣ್ಣಿನ ಸವಿ ಸವಿಲಿ ...__ಸಿದ್ದು ತಾಂಬೆ 

Comments

Post a Comment

Popular posts from this blog

ಆರು ತಿಂಗಳ ಆಯಸ್ಸಿನ ಪ್ರೀತಿ..

ಇತ್ತೀಚಿಗೆ ಜಾಸ್ತಿ ಬರಿಯೋಕ ಆಗ್ತಿಲ್ಲ. ನನ್ನ ಬ್ಲಾಗ್ ಪೋಸ್ಟ್ ನ ಕೆಲ ರೆಗ್ಯುಲರ್ ಓದುಗರು ಆಗಾಗ ಕೇಳ್ತಿರ್ತಾರೆ, ತುಂಬ ದಿನ ಆಯ್ತು ಏನೂ ಬರದೇಯಿಲ್ಲ ಅಂತ. ಹಾಗೆ ಕೇಳ್ತಾರೆ ಅಂತ ಸುಮ್ನೆ, ಒಂದುರಲ್ಲಿ ಒಬ್ಬ ರಾಜ ಇದ್ದ... ಅಂತ ಏನೇನೋ ಬರಿಯೋಕ ನನಗಾಗಲ್ಲ. I mean ಖಾಲಿ ಪುಗ್ಸಟ್ಟೆ ಏನೇನೋ ಬರೆದು ಪೇಜ್ ತುಂಬಿಸೋದಕ್ಕಿಂತ, ನಮ್ಮ ಸುತ್ತ ಮುತ್ತ ನಡಿಯೋ ಘಟನೆಗಳ ಬಗ್ಗೆ ಅಥವಾ ನಮ್ಮ ಸುತ್ತಲಿನ ಪಾತ್ರಗಳ ಬಗ್ಗೆ ಬರೆದರೆ ಓದೋರಿಗೂ ಸ್ವಲ್ಪ್ ಇಂಟ್ರೆಸ್ಟ್ ಬರುತ್ತೆ ಅಂತ. ನನ್ನ ಹಳೆ ಪೋಸ್ಟ್ ಗಳನ್ನ ನೋಡಿ ನಿಮಗೆ ಗೊತ್ತಾಗತ್ತೆ, ಹತ್ತು ಪರ್ಸೆಂಟ್ ನಾಟಕಿಯತೆ ಅನಿಸಿದರೂ, ಮಿಕ್ಕ ತೊಂಬತ್ತು ಪರ್ಸೆಂಟ್ ನಮ್ಮ ಸುತ್ತ ಮುತ್ತು ನಡೆದ ಅಥವಾ ನಡೆಯುವ ಘಟನೆಗಳೆ.  ಹಾಗೆ, ಈಗ ಇತ್ತೀಚಿಗೆ ನನ್ನ ಕಣ್ಣಳತೆ ದೂರದಲ್ಲೇ ಒಂದು ಪ್ರೇಮಕತೆ ನಡೆಯಿತು, ಅದರ ಕುರಿತು ಈ ಕಿರು ಲೇಖನ.. ಆತನ ಹೆಸರು ರವಿ ಅಂತ. ಇಪ್ಪತ್ತೈದರ ಆಸುಪಾಸಿನ ಹುಡುಗ. ನೋಡೋಕೆ ತಕ್ಕಮಟ್ಟಿಗೆ ಸುಂದರ, ಸಂಭಾವಿತ. ಡಿಫಾರ್ಮ ಮುಗಿದಿದೆ, ಹೆಸರಾಂತ ಮೆಡಿಕಲ್ ನಲ್ಲಿ ವರ್ಕ್ ಮಾಡ್ತಿದಾನೆ, ತಿಂಗಳ ಸಂಬಳದಲ್ಲಿ ಒಂದು ರೂಪಾಯಿಯೂ ಮುಟ್ಟದೆ ಅಮ್ಮನ ಕೈಲಿ ಕೊಡುವ ಮುಗ್ದ. ಹಳೆ ಸಿನಿಮಾ, ಹಳೆ ಹಾಡು, ಹಳೆ ಹೀರೋಗಳು ಅಂದ್ರೆ ಇಷ್ಟ. ಒಂಥರಾ ಡಿಫರೆಂಟ್ ಕ್ಯಾರೆಕ್ಟರ್ ಅಲಾ??  ನನಗೂ ಹಾಗೆ ಅನಿಸ್ತಿದೆ. ಓಕೆ ಮುಂದೆ ಓದಿ. ಅವತ್ತು ಮದ್ಯಾಹ್ನ ಎರಡು ವರೆಯಿಂದ ಮೂರ್ ಗಂಟೆ ಆಗಿರಬಹುದು, ಮೆಡಿಕ...
Read more

ಲವ್ ಈಸ್ ಬ್ಲೈಂಡ್ (kannada article)

Image
ಮೊನ್ನೆ watsapp chat ಮಾಡುವಾಗ ತಂಗಿಯೋಬ್ಬಳು ಇಟ್ಟಿರೋ ಅಪರೂಪದ  dp ಯೊಂದು ಕಣ್ಣಿಗೆ ಬಿತ್ತು . ಆ photo ದಲ್ಲಿನ ಬರಹ ಹೀಗಿತ್ತು . love is blind ಅಂತಾರೆ ಏನಕ್ಕೆ ಗೊತ್ತಾ ? ನಮ್ಮ ಮುಖ ನೋಡುವ ಮುಂಚೆಯೇ ಅಮ್ಮ ನಮ್ಮನ್ನ ಪ್ರೀತಿಸಲು ಶುರು ಮಾಡಿರುತ್ತಾಳೆ ಅದು ಪ್ರೀತಿ ಅಂದ್ರೆ ..     ಅಂತ  ಪಕ್ಕದಲ್ಲೋಂದು ಮುದ್ದಾದ ಮಗುವನ್ನ ತಬ್ಬಿಕೊಂಡ,  ಅಸ್ಟೆ ಮುದ್ದಾದ ತಾಯಿಯ ಚಿತ್ರ .ಮತ್ತೆ ಮತ್ತೆ ನೋಡಿದೆ ,  ಹಾಗೆ ಸೂಪರ್ dp ಅಂತ ಆ ತಂಗಿಗೆ msg ಮಾಡಿದೆ . ಎಸ್ಟು ಅದ್ಭುತ ಅಲ್ಲವಾ ತಾಯಿಯ ಮಮತೆ ಮಮಕಾರ ? ತನ್ನ ಹೊಟ್ಟೆಯಲ್ಲಿ ಮಗುವೊಂದು ಮೂಡಿದರ ಸಣ್ಣ ಸೂಚನೆ ಸಿಕ್ಕ ಮರುಕ್ಷಣ ,  doctor ರಲ್ಲಿಗೆ  ಓಡಿ ಹೋಗುತ್ತಾಳೆ . doctor ಕನ್ಫರ್ಮ ಮಾಡಿ ಕಂಗ್ರೊಜುಲೇಶನ್ಸ ಹೇಳಿದಾಗ              ಆಡು ಮಕ್ಕಳ ನೊಡಿ ಬೇಡಿತ ನನ ಜೀವ               ಕೇಳಿದ್ದನೇನ ಶೀವರಾಯ ಹೊಟ್ಯಾಗ                ಮುಡಿದನೆನ ಮಗರಾಯ ಏಂಬ ಜನಪದ ತ್ರಿಪದಿ ಯಂತೆ ಅವಳಿಗಾಗೋ ಆನಂದ ಹೇಳ ತೀರದು . ಅವತ್ತಿನಿಂದ ಅವಳು ತಿನ್ನುವ ಪ್ರತ...
Read more

ಲೇಡಿ ದೇವದಾಸ

ಬೈಕ್ ಮೇಲೆ ಹೊರಟಿದ್ದ ಶೇಖರನಿಗೆ ಜೇಬಲ್ಲಿದ್ದ ಮೊಬೈಲ್ ರಿಂಗ್ ಆದಂತೆ ಭಾಸವಾಯ್ತು. ಯಾರದಿರಬಹುದು ಅಂತ ಬೈಕ್ ಸೈಡ್ ಹಾಕಿ ನೋಡಿದರೆ,ನಂದಿನಿ ಕಾಲ್ ಮಾಡಿದ್ದಳು. ಮೀಟ್ ಆಗಿ ಹೋಗಿ ಇನ್ನೂ ಹತ್ತು ನಿಮಿಷ ಕಳೆದಿಲ್ಲ ಮತ್ಯಾಕೆ ಕಾಲ್ ಮಾಡಿದಳು ಅಂತ ಕಾಲ್ ರಿಸಿವ್ ಮಾಡಿ ಹಲೊ ಎಂದ. ಹಲೊ ಎಲ್ಲಿದಿಯಾ ? ಇನ್ನೂ ಮುಗಿದಿಲ್ವಾ ಮೆರುಣಗಿ ? ಬೇಗ್ ಹೊಗು ರೂಮ್ ಗೆ ಅಂದಳು ನಂದಿನಿ. ಇನ್ನೂ ಇಲ್ಲ, ನೀನು ಹೊದಿಯಾ ಮನೆಗೆ ? ಎಂಬ ಪ್ರಶ್ನೆ ಶೇಖರನದು. ಗಾಂಧಿ ಚೌಕ್  ಸಿಟಿ ಬಸ್ ಸ್ಟ್ಯಾಂಡ್ ನಲ್ಲಿ ಅದಿನಿ, ಇನ್ನು ಬಸ್ ಬಂದಿಲ್ಲ ಎಂದು ಉತ್ತರಿಸಿದಳು. ಸರಿ, ಬೈಕ್ ತಗೊಂಡು ಬರ್ಲಾ ಡ್ರಾಪ್ ಮಾಡೋಕೆ ? ಬೇಡೆ, ಅದಕ್ಕಲ್ಲ ನಾನ್ ಕಾಲ್ ಮಾಡಿದ್ದು. ಏನಮ್ಮ ನಿನ್ ಕಿರಿ ಕಿರಿ ? ಸುಮಾರು ಅರ್ಧ ಗಂಟೆ ಜೊತೆಲೆ ಇದ್ದೆ ಒಂದೂ ಮತಾಡಲಿಲ್ಲ. ಕಣ್ಣಿಂದ ನೆಲೆದ ಮೆಲೆ ರಂಗೋಲಿ ಬಿಡಿಸಿದ್ದೆ ಆಯ್ತು. ಬಿಟ್ಟಸ್ಥಳ ತುಂಬಿರಿ ಅನ್ನೊ ಹಾಗೆ ನಾನ್ ಕೇಳಿದಕ್ಕ ಮಾತ್ರ ಉತ್ರ ಕೊಟ್ಟು ಸುಮ್ಮನಾಗ್ತಿದ್ದೆ, ಇಗ ನೋಡದ್ರೆ ಫೋನ್ ಮಾಡಿ ತಲೆ ತಿಂತಿಯಾ, ಬರಿ ಇದೆ ಅಗೊಯ್ತು ನಿಂದು. ನೀನ್ ಎದುರಿಗಿದ್ದಾಗ ಮಾತಾಡೊಕೆ ಭಯ, ಅದಕ್ಕೆ ಕಾಲ್ ಮಾಡದಾಗ ತಲೆ ತಿಂತಿನಿ. ನಾನೇನ್ ಹುಲಿನಾ ? ನಿಂಹನಾ ? ಭಯ ಪಡೋಕೆ. ತೂಕ ಮಾಡದ್ರೆ ಪಾವ್ ಕೇಜಿ ಇಲ್ಲ. ಐ ನೊ , ನೀನ್ ಪಾವ್ ಕೇಜಿ ಇಲ್ದೆ ಇರಬಹುದು. ಆದ್ರೆ ನಿನ್ ಮಾತಲ್ಲಿ-ಮನಸಲ್ಲಿ ನಿನ್ ವ್ಯೆಕ್ತಿತ್ವದಲ್ಲಿ ಒಂದ್ ವೇಟ್ ಇದೆ, ಅದಕ್ಕೆ...
Read more