ಒಬ್ಳೆ ಮಗಳು ಅಂತ ಮುದ್ದಿಂದ ಸಾಕಿದ್ವಿ

ನನ್ ಫ್ರೆಂಡ್ ಸವಿತಾ ಗೆ ಸ್ವಲ್ಪ ಹಣ ಕೊಟ್ಟಿದ್ದೆ,  ಒನ್ ಇಯರ್ ಮುಗೀತಾ ಬಂತು, ವಾಪಸ್ ಕೇಳಿರಲಿಲ್ಲ . ಮೊನ್ನೆ ನಂಗೆ ಅರ್ಜೆಂಟ್ ಇತ್ತು ಕೇಳೋಣ ಅಂತ ಬೆಳಗ್ಗೆ ಬೇಗ (ಮದ್ಯಾಹ್ನ ಡ್ಯೂಟೀ ಮೇಲೆ ಇರ್ತಾಳೆ ಅಂತ) ಕಾಲ್ ಮಾಡಿದ್ದೆ ರಿಸೀವ್ ಮಾಡಲಿಲ್ಲ . ಸುಮ್ಮನಾಗಿದ್ದೆ . ಮಾರನೆ ದಿನ ಅಂದ್ರೆ ನಿನ್ನೆ ಬೆಳಗ್ಗೆ ತಾನಾಗೆ ಕಾಲ್ ಮಾಡದ್ಲು. ರಿಸೀವ್ ಮಾಡದೆ .
ಸಾರಿ , ನಿನ್ನೆ ನೀ ಕಾಲ್ ಮಾಡಿದ್ದೆ ರಿಸೀವ್ ಮಾಡೋಕ್ ಆಗಲಿಲ್ಲ , ಮನೇಲಿ ಸ್ವಲ್ಪ ಪ್ರಾಬ್ಲಮ್ ಆಗಿದೆ ತುಂಬ ಜನ ಸೇರಿದ್ರು,  ಅಂದ್ಲು .
ಪ್ರಾಬ್ಲಮ್ಮಾ ? ಎನ್ ಪ್ರಾಬ್ಲಮ್ ಎಂದು ಕೇಳಿದೆ .
ನಮ್ ದೊಡಪ್ಪ ನ ಮಗಳು ಓಡಿ ಹೋಗಿದಾಳೆ ಅಂದ್ಲು .
ಏನು ? ಓಡಿ ಹೋಗೀದಾಳ ? ಯಾರ್ ಜೊತೆ ?
ಪಕ್ಕದ ಮನೆ ಹುಡುಗನ ಜೊತೆ .
ಅಯ್ಯೊ ದೇವರೆ , ಎಷ್ಟ್ ವಯಸ್ಸು ?
ಒಂದ್ ಇಪ್ಪತ್ತೈದು ಇರಬಹುದು .
ಹೌದಾ ? ಎನ್ ಕಲ್ತೀದ್ಲು ?
ಬಿ . ಏ . ಬಿಏಡ . ಮುಗಿದಿತ್ತು .
ಸರಿ,  ಡ್ಯೂಟೀ ಗಿ ಹೋಗ್ತಿದ್ರ ?
ಇಲ್ಲ , ಮನೇಲೇ ಇರ್ತಿದ್ಲು , ಮುಂದಿನ ವಾರ ಎಂಗೇಜಮೆಂಟ್ ಇತ್ತು ಬೇರೆ ಹುಡುಗನ ಜೊತೆ . ಅಷ್ಟರಲ್ಲೆ ಹಿಂಗ್ ಮಾಡದ್ಲು. ಪಾಪ ನಮ್ ಡೋಡಮ್ಮ ನ ನೋಡದ್ರೆ ಅಯ್ಯೊ ಅನ್ಸತ್ತೆ . ಇಬ್ಬರು ಅಣ್ಣಂದಿರು , ಒಬ್ಬಳೆ ತಂಗಿ . ಎಷ್ಟು ಮುದ್ದಿನಿಂದ ಸಾಕಿದ್ರು ಗೊತ್ತ ? ಇವರೆಲ್ಲ ಚಿಕ್ಕವರಿದ್ದಾಗ ನಮ್ ದೊಡಪ್ಪ ತಿರಕೋಂಡರು . ಇವರನ್ನ ಡೋಡ್ಡೋರ ಮಾಡಿ , ಸಾಕಿ ಸಾಲಿ ಕಲಿಸಲು ನಮ್ಮ ದೊಡಮ್ಮ ಪಟ್ಟ ಕಷ್ಟ ಅಷ್ಟಿಷ್ಟಲ್ಲ . ಇಬ್ಬರೂ ಅಣ್ಣಂದಿರು ಅವಳ ಮೇಲೆ ಪಂಚ ಪ್ರಾಣ , ತಂಗಿ ಮದುವೆ ಆಗೊ ವರೆಗೂ ನಮ್ ಮದುವೆ ಬೇಡ ಅಂತ ಹಾಗೆ ಇದ್ರು . ಅದ್ಯಾವದನ್ನ ಲೆಕ್ಕಿಸದೆ ಈಕೆ , , , , , . . . .
ಎಂದು ಸವಿತಾ ಸಣ್ಣ ಧ್ವನಿಯಲ್ಲಿ ಮಾತಾಡ್ತಿದ್ರೆ,  ನನ್ನ ಎದೆಯಲ್ಲಿ ಸಂಕಟದ ಜೊತೆಗೆ ಸಣ್ಣ ಸೋಜಿಗ. ಏನು ಅಂದ್ರೆ ,  ಇಪ್ಪತ್ತು ವರ್ಷದಿಂದ ಸಾಕಿದ ಅಪ್ಪ ಅಮ್ಮ , ಜೊತೆ ಬೆಳೆದ ಅಣ್ಣ ತಮ್ಮ , ತಂಗಿ ಅನ್ನೊ ಸಂಬಂಧಗಳನೆಲ್ಲ,  ಕೇವಲ ಎರಡು ಮೂರು ವರ್ಷದಿಂದ ಪರಿಚಯವಾದ ಒಬ್ಬ ಹುಡುಗನ ಸೆಳೆತ ಸಾಮೀಪ್ಯ ಕೊಂದು ಬಿಡುತ್ತದಾ ?
ಎಸ್,  ನಾನು ಇದಕ್ಕೆ ಪ್ರೀತಿ ಅನ್ನಲ್ಲ ಸೆಳೆತ ನೆ ಅನ್ನೋದು . ಅದ್ಯಾವ ಪುಣ್ಯಾತ್ಮ ಹೇಳಿದನೊ? ಪ್ರೀತಿ, ಪ್ರೇಮ, ಹೃದಯ, ಮಣ್ಣು ಮಸಿ ಅಂತ ನನಗ ಗೊತ್ತಿಲ್ಲ . ಅಕ್ಚುಲಿ ಹೇಳೋದಾದ್ರೆ ಈ ಪ್ರೀತಿಗೆ ಹೃದಯಕ್ಕೆ ಸಂಭಂದ ನೆ ಇಲ್ಲ. ಅದೊಂದು ದೇಹದಲ್ಲಿ ನಡೆಯುವ ರಸಾಯನಿಕ ಕ್ರಿಯೆಗಳ ಪ್ರತಿಕ್ರಿಯೆ ಅಷ್ಟೆ.  ಒಬ್ಬ ಹುಡುಗ ಅಥವ ಒಬ್ಬಳು ಹುಡುಗಿ ವಯಸ್ಸಿಗೆ ಬರುತ್ತಿದ್ದಂತೆ ಒಂದಿಷ್ಟು ಹಾರ್ಮೋನ್ ಗಳು ಉತ್ಪತ್ತಿ ಆಗ್ತವೆ , ಆ ಪರಿಣಾಮ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಕೆಲ ಬದಲಾವಣೆಗಳು ಆಗ್ತವೆ , ಆ ಮಾನಸಿಕ ಬದಲಾವಣೆಗಳಲ್ಲಿ ಈ ವಿರುದ್ದ ಲಿಂಗದೇಡೆಗಿನ ಸೆಳೆತ ಕೂಡಾ ಒಂದು (ಅದಕ್ಕೆ ಈ ಸಿನಿಮಾ , ಸೀರಿಯಲ್ ನವರು ಉಪ್ಪು ಖಾರ ಬೆರೆಸಿ ತೋರಿಸಿ ಮತ್ತಷ್ಟು ದಾರಿ ತಪ್ಪೀಸುವಲ್ಲಿ  ಯಶಸ್ವಿಯಾಗ್ತಾರೆ) ಆ ಸೆಳೆತವೆ ಈ ಪ್ರೀತಿ ಗೀತಿ ಇತ್ಯಾದಿ ಎಲ್ಲ . ಅದನ್ನ ನಮ್ಮ ಹಿಡಿತಲ್ಲಿ ಇಟ್ಕೊಂಡ್ರೆ ಒಂದೊಳ್ಳೆ ಬಾಂಧವ್ಯ ಆಗ್ತದೆ. ಇಲ್ಲ,  ಅದರ ಹಿಡಿತದಲ್ಲಿ ನಾವು ಹೋದ್ರೆ ಹೀಗೆ ಮನೆ ಮುರಿಯೋ ವಸ್ತು ಆಗ್ತದೆ. ಅದು ಅವರವರ ಇಚ್ಛೆಗೆ ಬಿಟ್ಟಿದ್ದು. ಎಲ್ರೂ ಹೀಗೆ ಯೋಚನೆ ಮಾಡಿ ಅಂತ ನಾನ್ ಹೇಳ್ತಿಲ್ಲ , ಇದು ನನ್ನ ಅಭಿಪ್ರಾಯ ಅಷ್ಟೆ .
ಕತ್ತೆಗೆ ಎನ್ ಗೊತ್ತು ಕಸ್ತೂರಿಯ ಸುವಾಸನೆ , ಅದು ಪ್ರೀತೀನೆ ಸಿದ್ದು ಅಂತ ನೀವ್ ವಾದೀಸೋದಾದರೆ. ಓಕೆ ಫೈನ್ .
ಅಷ್ಟೋಂದ್ ದೊಡ್ಡ ಹೃದಯ ನಿಮ್ಮದಿದ್ರೆ , ಆ ಹೃದಯ ದಲ್ಲಿ ಪ್ರೀತಿ ಉಕ್ಕಿ ಹರೀತೀದ್ರೆ, ಪ್ರೀತಿ ಮಾಡೋಕೆ ತೆಳ್ಳಗೆ ಬೆಳ್ಳಗೆ ಇರೋಳೆ ಬೇಕಾ ? ಯಾಕೆ ಕಪ್ಪಗೆ ಕುಳ್ಳಗೆ ಇರೋಳ ಮೇಲೆ ಪ್ರೀತಿ ಹುಟ್ಟಲ್ಲ ?
ಇನ್ನೂ, ಒಬ್ಬಳು ಹುಡುಗಿ ಒಬ್ಬ ಹುಡುಗನ್ನ ಇಷ್ಟ ಪಡಬೇಕು ಅಂದ್ರೆ ಆತನಲ್ಲಿ ಅಂದ ಚಂದ , ಹೈಟು ವೇಟು ಇರಬೇಕು ಅಂತಿಲ್ಲ . ಹೈಸ್ಕೂಲ್ ನಲ್ಲಿ,  ಬುದ್ದಿವಂತ ವಿಧ್ಯಾರ್ಥಿ ಆನಿಸಿಕೊಂಡರೆ ಸಾಕು.  ಕಾಲೇಜ್ ನಲ್ಲಿ,  ಒಳ್ಳೆ ಡ್ರೆಸ್ಸಿಂಗ್ ಸೇನ್ಸ & ಓಡಾಡೋಕ ಒಂದ್ ಬೈಕ್ ಇದ್ರೆ ಸಾಕು. ಇನ್ನೂ ಪ್ರೊಫೆಷನಲ್ ನಲ್ಲಿ, ಕಷ್ಟ ಪಟ್ಟು ದುಡಿದು ದುಡ್ಡು ಕೂಡಿ ಹಾಕಿ ಸಂಸಾರ ಸಾಗಿಸೊ ಜಾಣ್ಮೆ ಇದ್ರೆ ಸಾಕು, ಪೋರ್ಗಿ ಪಡ್ಲ.  ಇದರಲ್ಲೇನ ಬಂತು ಪ್ರೀತಿ ಬದನೆಕಾಯಿ. ಒಂದು ಸೆಳೆತ , ಸ್ವಾರ್ಥ , ಸೆಕ್ಯುರಿಟಿ ಬಿಟ್ರೆ ಮತ್ತೇನಿಲ್ಲ . ಅದಕ್ಕೆ ಪ್ರೀತಿ ಪ್ರೇಮ ಅನ್ನೊ ಮುಖವಾಡ ಅಷ್ಟೆ .
ಹೀಗೆ ನನ್ನ ಯೋಚನಾ ಲಹರಿಯಲ್ಲಿ ನಾನ್ ವಿಹರಿಸ್ತಿದ್ದೇ.
ಹಲೋ , , ಏನಾಯ್ತು ? ಯಾಕ್ ಮಾತಾಡ್ತಿಲ್ಲ ಅಂದ್ಲು ಸವಿತಾ .
ಹಲೊ , ಏನಿಲ್ಲ . ಪಕ್ಕದ ಮನೆ ಹುಡುಗನ ಜೊತೆ ಓಡಿ ಹೋಗಿದಾಳೆ ಅಂದ್ರೆ , ಇದು ಒಂದೆರಡು ದಿನದ ಪ್ರೊಸೆಸ್ ಅಲ್ಲ . ಕಮ್ಮಿ ಅಂದ್ರೂ ಎರಡ್ ವರ್ಷ ಬೇಕು ಅವರು ಇಷ್ಟೊಂದ್ ಬಲೀಬೇಕು ಅಂದ್ರೆ, ಒಂದ್ ಕಣ್ಣ್ ಇಡೋದಲ್ವ  ?
ಹೂಂ , ಮೊದಲಿಗೆ ಗೊತ್ತಾಗಲಿಲ್ಲ . ಇತ್ತೀಚೆಗೆ ಡೌಟ್ ಬಂದು ಬೇರೆ ಮದುವೆ ತಯಾರಿ ಮಾಡ್ತಿದ್ವಿ,  ಅಂದ್ಲು. 
ಸರಿ , ಹೋಗಿದಾಳೆ ಆಯ್ತು . ಬಲವಂತ ದಿಂದ ಯಾರನ್ನೂ ಕಟ್ಟಿ ಹಾಕೋಕೆ ಆಗಲ್ಲ . ಸುಮ್ಮನೆ ಇದ್ದು ಬಿಡಿ ಅಂದೆ ನಾನು .
ಅಷ್ಟ ಆಗಿದ್ರೆ , ಪೀಡೆ ತೊಲಗಿತು ಅಂತ ನಾವೂ ಸುಮ್ಮ ಈರ್ತಿದ್ವಿ . ಹೋಗೋದಲ್ಲದೆ ನಮ್ಮ ದೊಡಮ್ಮ  ಮತ್ತೆ ಅಣ್ಣಂದಿರ ಮೇಲೆ ಕಂಪ್ಲೇಟ್  ಕೊಟ್ಟೀದಾಳೇ .
ಕಂಪ್ಲೇಟ್ ಕೊಟ್ಟೀದಾಳ ? ಏನಂತ ?
ನನಗೆ ನನ್ನ ಕುಟುಂಬದಿಂದ ಪ್ರಾಣ ಭಯಯಿದೆ ರಕ್ಷಣೆ ಕೊಡಿ ಅಂತ .
ಹೌದಾ , ಹೆಂಗೆ ಮುಂದೆ ?
ಎಲ್ರನ್ನೂ ಪೊಲೀಸ್ ಸ್ಟೇಷನ್ ಗೆ ಕರೆದೀದ್ರು. ಅವಳೂ ಬಂದಿದ್ದಲಂತೆ. ನಿನ್ನ ವಿಚಾರ ಏನು ಅಂತ ಪೊಲೀಸ್ ರು ಕೇಳ್ದ್ರೆ . ನನಗೆ , ಅಮ್ಮ ಅಣ್ಣ ಯಾರೂ ಬೇಡ , ನಾನು ಅವನನ್ನ ಪ್ರೀತಿಸಿದಿನಿ ಅವನ ಜೊತೆನೇ ಇರ್ತೀನಿ ಅಂದ್ಲಂತೇ . ಪಾಪ ನಮ್ ದೊಡಮ್ಮ ಕಣ್ಣಲ್ಲಿ ನೀರ್ ತುಂಬಿಕೊಂಡು ನಿಂತಿದ್ರೆ , ಒಂದ್ ಮಾತೂ ಆಡದೆ ನೋಡಿ ನೋಡದಂತೆ ಹೋದಲಂತೆ. ಅಮ್ಮ ಅಣ್ಣಂದಿರ ಬೆಲೆ ಅಕಿಗೆ ಈಗ ಗೊತ್ತಾಗಲ್ಲ , ಮುಂದೆ ಗೊತ್ತಾಗ್ತದೆ, ಎನ್ನುತ್ತ ಬೇಜಾರಲ್ಲಿ ಮಾತು ಮುಗಿಸಿದಳು ಸವಿತಾ .
ಹೌದು ಅಪ್ಪ ಅಮ್ಮನ ಅಣ್ಣಂದಿರ ಪ್ರೀತಿ ಎಂಥದ್ದು ಅಲ್ವಾ . ಮಗು ಹುಟ್ಟೊ ಮುಂಚೆ ಅಮ್ಮ ಅದಕೊಂದು ಹೆಸರ ಇಡ್ತಾಳೆ. ಮಗಳು ಹುಟ್ಟುತ್ತಿದ್ದಂತೇ ಅಪ್ಪ LIC ಮಾಡಸ್ತಾನೇ , ಅವಳ ಓದಿಗೆ ಮದುವೆಗೆ ಸಹಾಯ ಆಗಲಿ ಅಂತ . ತಂಗಿ ಮದುವೆ ಆಗೊ ವರೆಗೂ ನಾನ್ ಮದುವೆ ಒಲ್ಲೆ ಅಂತಾನೆ ಅಣ್ಣ . ನಾನ್ ಜಾಸ್ತಿ ಸುತ್ತಿ ಬಳಸಿ ಮಾತಾಡಲ್ಲ,  ತವರಿನ ಪ್ರೀತಿ ಬಗ್ಗೆ ಒಂದೆ ಮಾತಲ್ಲಿ ಹೇಳೋದಾದರೆ , ಗಂಡ ಹೆಂಡತಿ ನಾವು ಹೊಂದಾಣಿಕೆ ಯಿಂದ ಇಲ್ಲ , ಅವಳು ನನಗೆ ಬೇಡ ಅಂತ ದಿನ ನಿತ್ಯ ಅದೆಷ್ಟು ಡೈವೋರ್ಸ್ ಕೇಸ್ ಗಳು  ಧಾಕಲಾಗ್ತವೆ . ಆದ್ರೆ ನಮ್ ಮಗಳು ನಮ್ ಜೊತೆ ಹೊಂದಾಣಿಕೆಯಿಂದ ಇಲ್ಲ ಅವಳನ್ನ ಮನೆ ಯಿಂದ ಹೊರ ಹಾಕ್ತೀವಿ ಅಂತ ಜಗತ್ತಿನಾದ್ಯಂತ  ಯಾವುದಾದರೂ  ಕೋರ್ಟ್ ನಲ್ಲಿ ಒಂದೆ ಒಂದ್ ಕೇಸ್ ಧಾಕಲಾಗಿದೆಯಾ ? ಚಾನ್ಸೇ ಇಲ್ಲ . 
ಹುಚ್ಚು ಹುಡುಗೀರು .
ಸರಿ , ಪೊಲೀಸ್ ಸ್ಟೇಷನ್ ನಲ್ಲಿ ಗಲಾಟೆ ಆಯ್ತಾ ಅಂತ ಕೇಳದೆ .
ಗಲಾಟೆ ಏನಿಲ್ಲ , ಅವಳಿಗೆ ನಾವ್ ಬೇಡ ಅಂದ್ರೆ ನಮಗೂ ಅವಳು ಬೇಡ , ನಮ್ಮಿಂದ ಅವಳಿಗೆ ಯಾವುದೇ ರೀತಿ ತೊಂದ್ರೆ ಆಗಲ್ಲ ಅಂತ ಸೈ ಮಾಡಿ ಬಂದೀದಾರೆ .
ಮತ್ತೆ ಮುಂದೆ ಹೇಗೆ ? ಅಂತ ಕೇಳಿದೆ ನಾನು ಕುತೂಹಲದಿಂದ .
ಹೇಗೆ ಅಂದ್ರೆ , , ಸ್ಟೇಷನ್ ಇಂದ ಬಂದ ಮೇಲೆ ಮನೇಲಿ ಇದ್ದ ಅವಳ ಎಲ್ಲ ವಸ್ತು ಹೊರಗಡೆ ತಗೆದು ಸುಟ್ಟು , ಸ್ನಾನ ಮಾಡಿಯೇ ಮನೆ ಒಳಗ ಬಂದ್ರು ಎಲ್ಲರು . ಅಂದಳು ಸವಿತಾ .
ವಾಪಸ್ ಎನ್ ಕೇಳಬೇಕು ಗೊತ್ತಾಗಲಿಲ್ಲ ನನಗೆ , ಸುಮ್ಮನಾದೆ . . . . . . .
ಸಿದ್ದು ತಾಂಬೆ.